1-800-999-9999 — hi@loremipsum.com

இப்போது சிக்கியிருப்பது அபிநந்தன் மட்டும்தானா?


இப்போது சிக்கியிருப்பது அபிநந்தன் மட்டும்தானா? இன்னும் யாரேனும் இருப்பார்களா என்பதை யார் நேர்மையாக பதில் சொல்வார்கள்

அபிநந்தன் பிடிப்பட்டதை பாகிஸ்தானே அறிவிக்கவில்லை என்றால் அபிநந்தனை பற்றி இந்திய அரசு மூச்சு விட்டிருக்காது என்பதே உண்மை. எத்தனை மிராஜ் விமானங்கள் தாக்குதலுக்கு சென்றதை பெருமையாக சொன்னார்களே தவிர, எத்தனை விமானங்கள் பாதுகாப்பாக திரும்பியதை யாரும் சொல்லவே இல்லை. இந்த நேர்மையற்ற செயலைதான் ஆரம்பத்தில் இருந்து சந்தேகம் கொண்டு எதிர்த்து வருகிறோம். ஒரு நேர்மையான அரசு தன்னுடைய ராணுவ வீரன் காணாமல் போனதை நேற்றே அறிவித்து இருக்க வேண்டும்தானே?

அபிநந்தன்
அபிநந்தன்

இப்போது சிக்கியிருப்பது அபிநந்தன் மட்டும்தானா? இன்னும் யாரேனும் இருப்பார்களா என்பதை யார் நேர்மையாக பதில் சொல்வார்கள். உயிருடன் எதிரிகளிடம் சிக்குவது ஆயுள்கால நரகத்தில் மாட்டிக்கொள்வதும் ஒன்றே. ராணுவ ஒப்பந்தங்களின்படி சித்ரவதை நடக்காது என்பது நமக்கு நாமே சொல்லிகொள்ளும் ஒரு ஆறுதல்தானே தவிர வேற எதுவுமில்லை. நம்முடைய அரசாங்கமே தாமே முன்வந்து காணாமல் போன வீரனை பற்றி சொல்ல முடியாதபோது பாகிஸ்தான் ராணுவம் நேர்மையாக நடந்துகொள்ளும் என்று எதிர்பார்க்க முடியாது.

அபிநந்தன் நம்முடைய போர் நிர்வாகதிறனின் தோல்வி என்பதை பகிரங்கமாக ஒத்துக் கொள்ளவிட்டால் இன்னும் நிறைய அபிநந்தனை பாகிஸ்தானிடம் தாரை வார்க்க நேரிடும். வேட்டையாடிய மிராஜ் 2000 விமானங்களை பற்றி பெருமையாக பேசினார்களே தவிர ஒரு அதிவிரைவு விமானத்தை குறி பார்த்து சுடும் அளவிற்கு எதிரியின் பலத்தை யாரும் யோசிக்கவே இல்லை.

நாம் மோடிக்காக அல்ல. பக்தாள் என்கிற மூடர் கூட்டத்திற்காக அல்ல. அபிநந்தனுக்காக ஆதரவளிக்க வேண்டியது நம் கடமை. அபிநந்தன் பத்திரமாக திரும்புவதே நம்முடைய வெற்றி என்போம்.சமரசம் உடன்பாடிக்கை மட்டுமே தீர்வு. குண்டுகள் முழுக்கத்தில் எந்த நாடுகளும் சந்தோஷமாக இருந்ததில்லை.

பா.வெங்கடேசன்

%d bloggers like this: