1-800-999-9999 — hi@loremipsum.com

ஆறு பெண்கள் கொலை செய்யப்பட்டுள்ள நிகழ்வு தாய்மார்களை நிலை குலைய வைத்துள்ளது

Mk Stalin Chennai

Chennai Killed girls and Women

Chennai Killed girls and Women

தலைநகர் சென்னையில் அடுத்தடுத்து நடக்கும் கொலைகள் அனைத்து தரப்பு மக்களுக்கும் அதிர்ச்சி ஏற்படுத்தி இருக்கிறது. குறிப்பாக நேற்று இரவு முதல் இதுவரை ஆறு பெண்கள் கொலை செய்யப்பட்டுள்ள நிகழ்வு தாய்மார்களை நிலை குலைய வைத்துள்ளது. கழகத்தின் சார்பில் நான் தொடர்ந்து கூலிப் படையினரின் அட்டகாசம் தொடர்பாக அறிக்கை விட்டு வருகிறேன். எதிர் கட்சி தலைவர் என்ற முறையில் சட்ட மன்றத்திலும் ஆளுநர் உரைக்கான விவாதத்தில் பங்கேற்றுப் பேசிய போதும் விரிவாக கூறியிருக்கிறேன். ஆனாலும் என் குற்றச்சாட்டுக்கு பதில் அளித்துள்ள முதலமைச்சர் ஜெயலலிதா கூலிப்படை கொலைகளே நடக்கவில்லை என்பது போல் பூசி மெழுகி பேசி முழுப்பூசனிக் காயை ஒரு பிடி சோற்றில் மறைப்பது போல் பேசியிருப்பது அதிர்ச்சியளிக்கிறது. சட்டம் ஒழுங்கு விஷயத்தில் கூட எதிர்கட்சியின் சார்பில் முன் வைக்க படும் பொறுப்பான குற்றச்சாட்டுகளுக்குக் கூட முதலமைச்சர் அரசியல் சாயம் பூசுவது போல் பதில் கூறுவது மாநில மக்களின் பாதுகாப்பின் மீது அதிமுக அரசுக்கு உள்ள அக்கறை இல்லாத, பொறுப்பில்லாத தன்மையை காட்டுகிறது. கூலிப் படைகளை இரும்புக் கரம் கொண்டு அடக்குவதை மறந்து விட்டு, நடப்பது எல்லாம் கூலிப்படையின் கொலைகளே அல்ல என்று ஆளும் அதிமுக அரசின் அதுவும் குறிப்பாக போலீஸ் துறைக்கு பொறுப்பு வகிக்கும் முதலமைச்சரின் அறிவிப்பு தமிழக மக்களின் பாதுகாப்பிற்கு எந்த வகையிலும் உதவி செய்யாது. மக்களை நேரடியாக பாதிக்கும் இது போன்ற சட்டம் ஒழுங்கு பிரச்சினைகளிலும் அலட்சியம் காட்டாமல் தலைநகர் சென்னையிலும் தமிழகத்தில் ஆங்காங்கே நடக்கும் கொலைகளை உடனடியாக தடுத்து நிறுத்த திறமை மிக்க தமிழக காவல்துறைக்கு முழு சுதந்திரம் அளிக்க வேண்டும். சட்டத்தின் ஆட்சியை நிலை நாட்டி பொது அமைதி மற்றும் சட்டம் ஒழுங்கை நிலை நாட்ட வேண்டும். பெண்கள், வேலைக்கு செல்லும் பெண்கள் உள்பட அனைவர் மத்தியில் பீதியை உருவாக்கி வரும் கூலிப் படைகள மாவட்ட வாரியாக காவல் துறை அதிகாரிகளை முடுக்கி விட்டு கடும் நடவடிக்கை எடுக்க வேண்டும்

Mk Stalin Chennai

%d bloggers like this: