1-800-999-9999 — hi@loremipsum.com

இஸ்லாமிய வரலாறு மற்றும் அதை போதிப்பதில் சியா முஸ்லிம்களின் தாக்கம்

இஸ்லாமிய வரலாறு மற்றும் அதை போதிப்பதில் சியா முஸ்லிம்களின் தாக்கம்

இஸ்லாமிய வரலாறு

இஸ்லாமிய வரலாறு

தமிழகத்தில், இஸ்லாமிய வரலாற்றை போதிப்பதில் ஷியாக்களின் தாக்கம் அதிகம் உள்ளது என்றே எண்ண தோன்றுகிறது
அல்லாஹ்வின் தூதர்(ஸல்) அவர்களுக்கு எத்தனை குழந்தைகள் என்று கேட்டு பாருங்கள்
எல்லோருக்கும் தெரிந்தது ஒன்றே ஒன்றுதான், அது “பாத்திமா(ரலி)” அவர்கள் மட்டுமே
சரி, போகட்டும், பாத்திமா(ரலி) அவர்களுக்கு எத்தனை குழந்தைகள் என்று கேட்டு பாருங்கள் – அவர்கள் கூறும் பதில் ஹசன்(ரலி), ஹுசைன்(ரலி) என்று இருவர் பெயர் மட்டுமே?

நபி(ஸல்) அவர்கள்- அவர்கள் முதல் மனைவியரான அன்னைகதீஜா(ரலி) இவர்களுக்கு பிறந்த பாத்திமா(ரலி), மேலும், பாத்திமா(ரலி), அலி(ரலி) இவர்களுக்கு பிறந்த ஹசன்(ரலி), ஹுசைன்(ரலி) – இப்படி ஒருவட்டத்தை போட்டுகொண்டு, அதற்குள் சுழல ஆரம்பித்தார்கள்

இதையும் தாண்டி சிலர் – சின்ன அலி என்று, ஹசன்(ரலி) அவர்களுக்கும் பாரசீகத்தில் இருந்து வந்த ஷஹ்ரு பானு என்பவருக்கும் பிறந்த ஆண் குழந்தையான ஜைனுல் ஆபிதீன் அவர்களை சின்ன அலீ என்றும் கூறுவர். இதையே தான் ஷியாக்களும் கூறுகின்றனர்

இஸ்லாமிய வரலாறு

சரி விஷயத்திற்கு வருவோம்.
நபி(ஸல்) அவர்களுக்கும், அன்னை கதிஜா(ரலி) அவர்களுக்கும் பிறந்த குழந்தைகள். ஆண்குழந்தைகள் மூன்று(இரண்டுதான் என்ற கருத்தும் உண்டு) பெண்குழந்தைகள் நான்கு
(1) காஸிம், நபித்துவ வஹி வருவதற்கு முன்பே இறந்துவிட்டார்கள்
(2) தாஹிர், நபித்துவ வஹி வருவதற்கு முன்பே இறந்துவிட்டார்கள்
(3) தையிப், நபித்துவ வஹி வருவதற்கு முன்பே இறந்துவிட்டார்கள்
(4) ருகையா(ரலி) – ஹிஜ்ரி 2ம் ஆண்டு மரணித்தார்கள்

(5) ஜைனப்(ரலி) – ஹிஜ்ரி 8ஆம் ஆண்டு மரணித்தார்கள்
(6) உம்மு குல்ஸூம்(ரலி) ஹிஜ்ரி 9ம் ஆண்டு மரணித்தார்கள். மேற்கண்ட அனைவரும் நபிகள் நாயகம்(ஸல்) உயிரோடு இருக்கும் போதே மரணித்துவிட்டார்கள்
(7) பாத்திமா(ரலி) – இவர்கள், நபி(ஸல்) அவர்கள் மரணித்து ஆறுமாதம் கழித்து மரணித்தார்கள்.
இது மட்டும் இல்லாமல், நபி(ஸல்) அவர்களுக்கும் அன்னை மாரியத்துல் கிப்திய்யா(ரலி) அவர்கள் மூலம் இப்ராஹீம் என்ற ஒரு ஆண் குழந்தை பிறந்தது. அக்குழந்தை, குழந்தைப் பருவத்திலேயே நோய்வாய்ப்பட்டு இறந்துவிட்டது. (புகாரீ 1303)

ஆண் குழந்தைகள் எத்தனை என்பதில் சில கருத்துவேறுபாடுகல் உண்டு என்றாலும், நபி(ஸல்) அவர்களுக்கு ஆண் வாரிசு இருக்காது என்று அல்லாஹ் தனது திருமறையில் மறைமுகமாக கூறிவிட்டான்.
“முஹம்மத் உங்களில் உள்ள ஆடவர் எவருக்கும் தந்தை இல்லை” (33:40)
“உங்களுடைய சுவீகாரப்பிள்ளைகளை உங்களுடைய புதல்வர்களாக ஆக்கிவிடமாட்டான்” (33:4-5)
பெண்பிள்ளைகளில், ருகையா(ரலி) அவர்களை, மூன்றாவது கலிபாவான உஸ்மான்(ரலி) அவர்களுக்கு மணமுடித்து கொடுக்கிறார்கள்

பத்ரு போர் நடந்த சமயம், ருகையா(ரலி) அவர்கள் மிகவும் நோய்வாய்பட்டு இருந்தததால், உஸ்மான்(ரலி) அவர்களை போருக்கு வராமல், தனது மகளும், அவர்களின் மனைவியுமான ருகையாவை பார்த்து கொள்ளுங்கள். என்றார்கள். ஹிஜ்ரி 2 – நபிகளாரின் அன்பு மகள் ருகையா(ரலி) மரன அடைகிறார்கள். மனைவி இறந்த துக்கத்தை விட, அல்லாஹ்வின் தூதரின் மருமகன் என்ற அந்தஸ்து தன்னை விட்டு போய்விட்டதே மிகவும் கலக்கம் கொண்டார்கள் உஸ்மான்(ரலி) அவர்கள். அதனை கண்ட நபி(ஸல்) அவர்கள், தனது அடுத்த மகளான உம்மு குல்சும்(ரலி) அவர்களை மணமுடித்து கொடுக்கிறார்கள்.. இவர்களும் ஹிஜ்ரி 9ல், மரணமடைகிறார்கள்

நபிகளாரின் இரண்டு மகள்களை திருமணம் செய்து கொண்டவர்கள் உஸ்மான்(ரலி) அவர்கள். இவர்களையோ, இவர்களின் துனைவியரையோ, அவர்களுக்கு பிறந்த குழந்தைகலையோ மத்ராசாகளில் யாரும் சொல்லி கொடுப்பதில்லை. மறைத்தே வந்தார்கள்

சரி, போகட்டும், அன்னை பாத்திமா(ரலி), அலி(ரலி) அவர்களுக்கு எத்தனை குழந்தைகள் பிறந்தன?
ஹசன், ஹுசைன், முஹ்ஷின் – என்று மூன்று ஆண்குழந்தைகளும்,
ஜைனப், உம்முகுல்தூம், ருகையா என்னும் மூன்று பெண் குழந்தைகளும் பிறந்தன. இதில், முஹ்ஷின் என்ற ஆண்குழந்தை சிறுவயதிலே இறந்துவிட்டார்கள்.
இதில், கூட, அவர்களின், ஹசன்(ரலி), ஹுசைன்(ரலி) ஆகியோரது பேர்களை மட்டுமே மதராசாக்களில் சொல்லி கொடுத்துவந்தார்கள்.
நபி(ஸல்) – அலி(ரலி) – ஹசன்(ரலி) – ஹுசைன்(ரலி) என்ற தொடர் மட்டுமே ஏன் பிரதானபடுத்த பட்டது என்பதை கூர்ந்து கவனித்தால் ஒரு உண்மை புரியும்.
ஹசன்(ரலி) அவர்களுக்கும் பாரசீகத்தில் இருந்து கைதியாக பிடித்து வரப்பட்ட மன்னரின் மகளான ஷஹ்ரு பானு என்பவருக்கும் பிறந்த ஆண் குழந்தையான ஜைனுல் ஆபிதீன் அவர்களைத்தான் சின்ன அலீ என்று ஷியாக்கள் கொண்டாடுகிறார்கள். அவர்கள் உடம்பில் ஓடுவது தெய்வீக இரத்தம் என்று அப்போது குழப்பம் உண்டாக்கினார்கள்.
இவர்கள் அலி(ரலி)க்கு அநீதி இழைத்து விட்டு அலியிடம் மன்னிப்புக் கோராமலே மரணித்து விட்டனர். எனவே அவர்கள் இருவரும் மீதும் அல்லாஹ்வினதும் மக்களினதும் சாபம் உண்டாகட்டும் என சபிக்கின்றனர் (ஷியாக்களின் நூலான.அல்காபி:8-245). இப்படிதான் எழுதிவைத்துக்கொண்டு மற்ற வரலாறுகளை மறைக்கின்றனர்.
இப்பொது கூறுங்கள், தமிழகத்தில், இஸ்லாமிய வரலாற்றை கூறும் போது, ஷியாக்களின் தாக்கம் இருக்கிறதா இல்லையா?
ஹாஜாதீன் –

%d bloggers like this: