Main Menu

சாமானிய ஏழை மக்களுக்கு பயன்படக் கூடிய மிக முக்கியமான தீர்ப்பு

உரிமையியல் நடைமுறைச் சட்டம்

சாமானிய ஏழை மக்களுக்கு பயன்படக் கூடிய மிக முக்கியமான தீர்ப்பு

சாமானிய ஏழை மக்களுக்கு பயன்படக் கூடிய மிக முக்கியமான தீர்ப்பு  காவல்துறை இந்த மாதிரி பொய் வழக்குகளை அடிக்கடி இயலாதவர்கள் மீது போட்டு அடாவடித்தனம் செய்வார்கள்) Crpc sec 107 – பொது அமைதிக்கு பங்கம் விளைவித்தல் – ஒரு நபர் அமைதி குலைவை ஏற்படுத்துகிறார் என காவல்துறையினர் வழக்கு பதிவு செய்து அதனை சப் கலெக்டருக்கு அனுப்புவார்கள் அந்த தகவலின் அடிப்படையில் சப் கலெக்டர் உடனடியாக மேற்படி நபரிடமிருந்து 1 வருட காலத்திற்கு அமைதியாக இருக்க வேண்டும் என்று கூறி பிணையப் பத்திரம் எழுதி வாங்குவார் ஆனால் எவ்வித விசாரணையும் செய்ய மாட்டார்  ஆனால் இவ்வாறு சப் கலெக்டர் செய்வது சட்ட விரோதமாகும் 

ஒரு நபர் அமைதி குலைவினை ஏற்படுத்துவார் என்கிற தகவல் கிடைக்கப் பெற்று, அத்தகைய அமைதிக் குலைவை ஏற்படுத்தும் நபரிடம் அமைதியை பேணுவதற்காக உறுதியை பெறுவதற்கு உகந்த வழக்கு என்று சப் கலெக்டர் கருதினால், அந்த நபரிடமிருந்து அமைதியை பேணுவதற்காக ஒரு பிணையப் பத்திரத்தை எழுதி பெறுவதற்கான அதிகாரத்தை கு. வி. மு. ச பிரிவு 107(1) சப் கலெக்டருக்கு வழங்குகிறது  அந்த சட்டப் பிரிவை படித்து பார்க்கும் போது சப் கலெக்டருக்கு ஏராளமான அதிகாரங்கள் வழங்கப்பட்டுள்ளது தெரிய வருகிறது. பிணையப் பத்திரத்தில் கூறப்பட்டுள்ள நிபந்தனையை பிணையம் அளித்தவர் நிறைவேற்ற தவறினால், அவருக்கு சிறை தண்டனை அளிக்கலாம் என்கிற அதிகாரமும் சப் கலெக்டருக்கு வழங்கப்பட்டுள்ளது
எந்த குற்றச்சாட்டுகளும் வனையாமல்  எந்த விசாரணையும் நடத்தாமல் தண்டனை அளிக்கக்கூடிய அதிகாரம் சப் கலெக்டருக்கு வழங்கப்பட்டுள்ளது அது மிகவும் அபாயகரமான ஓர் அதிகாரமாகும். சப் கலெக்டருக்கு அதிக படியாக வழங்கப்பட்டுள்ள அந்த அதிகாரத்திற்கு ஒரு தடையை ஏற்படுத்தும் விதமாக பிரிவு 107)1) அமைந்துள்ளது 

அந்த பிரிவின் படி, தான் மனநிறைவு அடைந்தது குறித்து சப் கலெக்டர் பதிவு செய்ய வேண்டும். எனவே கு. வி. மு. ச பிரிவு 107(1) ன் கீழ் வாய்மொழியாக உத்தரவுகளை சப் கலெக்டர் பிறப்பிக்க கூடாது அவருடைய விருப்பத்திற்கேற்ப உத்தரவுகளை பிறப்பிக்க கூடாது. அவர் அந்த உத்தரவை பிறப்பிப்பதற்கான காரணத்தை விரிவாக குறிப்பிட வேண்டும் என்ற அவசியம் இல்லை என்றாலும், சுருக்கமாக குறிப்பிட வேண்டும்

அதிகாரத்தை தன்னிச்சையாக பயன்படுத்துவதை தவிர்க்கும் விதமாக கு. வி. மு. ச பிரிவு 107(1) செயல்படுகிறது. பிடிக் கட்டளை வேண்டாக் குற்றமொன்று நடைபெற்றிருந்தால் மட்டுமே FIR பதிவு செய்யப்பட வேண்டும். கு. வி. மு. ச பிரிவு 107ன் கீழ் ஒரு FIR பதிவு செய்ய முடியாது. எனவே காவல்துறை ஒருவர் மீது 107 வழக்கு பதிவு செய்வது சட்டத்திற்கு புறம்பானதாகும் என மதுரை உயர்நீதிமன்ற நீதிபதி திரு. தேவதாஸ் அவர்கள் தீர்ப்பு கூறியுள்ளார். CRL. RC. NO – 167/2016, DT – 13.6.2016, Jegan @ Billa Jegan Vs Sub Collector, Thoothukudi (2016-2-LW-CRL-470)… Shared…

Written By 

 






Related News

%d bloggers like this:
Skip to toolbar