1-800-999-9999 — hi@loremipsum.com

புனித ரமலானும் பேலியோவும்  பேலியோவை பின்பற்றும் இஸ்லாமியர்

புனித ரமலானும் பேலியோவும்  பேலியோவை பின்பற்றும் இஸ்லாமியர்

புனித ரமலானும் பேலியோவும் இன்னும் சில நாட்களில் இஸ்லாமியர்கள் நோன்பு நோற்று தங்கள் பிரார்த்தனைகளை இறைவனுக்கு செலுத்தும் புனித ரமலான் மாதம் தொடங்க இருக்கிறது

இந்நிலையில் பேலியோவை பின்பற்றும் இஸ்லாமியர் மத்தியில் ஒரு வினா எழுகிறது

நாம் இதுவரை கடைபிடிக்கும் பேலியோவை தொடர்ந்து ரமலான் மாதத்திலும் கடைபிடிக்க இயலுமா?

இயலும் என்றால் யாரெல்லாம் கடைபிடிக்கலாம்?புனித ரமலானும் பேலியோவும்   பேலியோவை பின்பற்றும் இஸ்லாமியர்

கடைபிடிக்கும் போது நாம் கவனிக்க வேண்டிய வழிமுறைகள் யாது??

முதலில் பேலியோ உணவு முறை என்பது வாழ்வியல் முறை என்பதை அனைவரும் அறிந்து வைத்துள்ளோம்

ஆகவே பேலியோ வாழ்வியல் முறையை நாம் எளிதாக நமது நோன்பு காலங்களிலும் கடைபிடிக்கலாம்

இன்னும் சொல்லப்போனால் இது ஒரு வகையில் “இன்டர்மிட்டண்ட் ஃபாஸ்டிங் ” தான்

உலகின் பல பகுதிகளில் இருக்கும் இஸ்லாமியர்களும் குழுமத்தில் இருப்பதால் அனைவருக்கும் பொதுவான சில விசயங்களை பகிர்கிறேன்

ரமலான் நோன்பில் நாம் குறைந்தபட்சம் 12 மணிநேரத்தில் இருந்து அதிகபட்சம் 16 மணிநேரம் நோன்பில் இருப்போம்.

ரமலான் நோன்பில் நாம் உண்ணும் பகுதி – இரவு 6.30 மணியில் இருந்து அதிகாலை 4.30 மணிக்குள் . ஆக உண்ண வேண்டியதை 10 மணிநேரங்களுக்குள் முடிந்து விட்டு மீதி உள்ள நேரத்தை விரதம் இருக்கப்போகிறோம்

நாம் இந்த விரதத்தில் நீர் கூட அருந்துவதில்லை ஆகவே நாம் உணவு உண்ணும் நேரங்களில் அதிகமாக நீரை பருக வேண்டும்
சுமார் 3 முதல் 4 லிட்டர் நீர் பருக வேண்டும் . வெயில் காலத்தில் இந்த ரமலான் வருவதால் நாம் நீரிழப்பை சமாளித்தாக வேண்டும்

சரி .. ரமலான் நோன்பின் ஒருநாளை எப்படி துவக்குவது ??

அதிகாலை சஹர் நேர உணவாக
3 முட்டைகள் அல்லது 4 முட்டைகள் ( ஆம்லெட்/ அவித்தது) /
கூட 250 மில்லி முழுக்கொழுப்பு பாலில் 50 கிராம் வெண்ணெய் விட்டு டீ போட வேண்டும் )

கூட இரண்டு லிட்டர் தண்ணீர் பருக வேண்டும்
( தண்ணீரில் உப்பு மற்றும் லெமன் கலந்து குடிப்பது சாலச்சிறந்தது- தாது உப்புகளின் இழப்பை சரி செய்ய உதவும். நீரிழப்பை ஈடுசெய்யும்)

இஃப்தார் எனும் நோன்பு முறிக்கும் உணவாக

300 கிராம் பேலியோ காய்கறிகளை சூப்பாக வைத்து 20 கிராம் வெண்ணெய் சேர்த்து பருக வேண்டும் .

தேவைப்பட்டால் 200 மில்லி தயிர் எடுக்கவும்/
அதை மோராக்கியும் பருகலாம்.

தண்ணீர் 500 முதல் 1000 மில்லி பருக வேண்டும் ( மண்பானையில் வைத்திருந்த தண்ணீராக இருக்கலாம். குளிர்சாதனப்பெட்டியில் வைத்த தண்ணீர் வேண்டாம்)

இரவு நேர உணவாக
சுமார் 300 கிராம் மாமிசம் எடுங்கள்/ அல்லது 200 கிராம் பனீர் எடுக்கலாம்

இரவு உணவுக்கு பிறகு 1000 மில்லி தண்ணீர் பருகவேண்டும்.

காலை சஹர் உணவை ஹெவியாக உண்ண வேண்டிய அவசியம் இல்லை

இரவு உணவை நன்றாக சாப்பிட்டாலே போதுமானது.

ரமலான் நோன்பில் தவிர்க்க வேண்டியவை

  1. குளிர்பானங்கள்
  2. இனிப்பு பதார்த்தங்கள்
  3. எண்ணெயில் குளித்த சமோசா, வடை
  4. தானிய நோன்பு கஞ்சி
  5. மைதா / கோதுமை பொருட்கள்

இந்த ரமலானை பேலியோவுடன் சிறப்பாக கடக்கலாம்
சிறப்பான நன்மைகளை பெறலாம்

மேலதிகமான கேள்விகள் இருப்பின் இதே இழையில் கேளுங்கள்

பேலியோவில் இறங்கி சுமார் இரண்டு வாரங்களாவது ஆன நிலையில் ரமலானில் இறங்குவது நல்லது

எடுத்த எடுப்பிலேயே ரமலானில் பேலியோவை ஆரம்பிப்பது நல்லதல்ல. அப்படிபட்டவர்கள்
ரமலானை கடந்து விட்டு பேலியோ ஆரம்பிக்கட்டும்

நமது உடல் பேலியோ உணவு மாற்றத்திற்கு பழக குறைந்தபட்சம் இரண்டு வாரங்கள் எடுத்துக்கொள்ளும்.

நீரிழிவு நோயாளிகள் தங்களின் மாத்திரைகளை சஹர் நேரத்தில் போடக்கூடாது

நோன்பு திறக்கும் இஃப்தார் சமயம் மாத்திரையை போட வேண்டும்.

இன்சுலின் போடுபவர்கள் காலையில் இன்சுலின் போடக்கூடாது

இரவு உணவுக்கு முன் போட வேண்டும். அளவுகளை குறைப்பது பற்றி தங்கள் மருத்துவரை அணுகவும்.

தைராய்டு மாத்திரைகள் விழுங்குவோர் அதிகாலை சஹர் நேர உணவுக்கு அரை மணிநேரம் முன்பு அதை போடவேண்டும்

ரத்த அழுத்த மாத்திரைகள் போடுவோர் காலையில் விழுங்க வேண்டிய மாத்திரைகளை சஹர் நேரத்திலும் இரவில் விழுங்க வேண்டிய மாத்திரைகள் இரவு உணவுக்கு பின்பும் விழுங்க வேண்டும்.

நன்றி

Dr.ஃபரூக் அப்துல்லா
பொது நல மருத்துவர்
சிவகங்கை

%d bloggers like this: