இது தமிழ்நாடு இது வேற! எப்போதுமே இது வேற!

இது தமிழ்நாடு இது வேற! எப்போதுமே இது வேற!

இது தமிழ்நாடு இது வேற! எப்போதுமே இது வேற! வரலாறு முழுமைக்கும் பார்த்தால் தமிழ்நாடு என அண்ணாவால் பெயரிடப்பட்ட இந்த நிலப்பரப்பு எந்தக் காலத்திலுமே இந்தியா என இப்போது வழங்கப்படுகிற நிலபரப்புடன் இணைந்து இருந்ததில்லை
பாண்டிய மன்னனின் மகன்கள் சுந்தரபாண்டியனும், வீரபாண்டியனும் தங்களுக்குள் அடித்துக்கொண்டு அலாவுதீன் கில்ஜியின் தளபதியான மாலிக் கஃபூரை அழைத்து (ஓ.பி.எஸ், ஈ.பி.எஸ் சண்டையில் இப்போது தமிழகத்தை மோடி ஆள்வதைப் போல) வந்தபோது கூட, அவர்களது கையாட்களின் ஆட்சி இங்கே மிஞ்சிப்போனால் 50 ஆண்டுகள்தான் நீடித்தது
மவுரியர் காலமானாலும், பேரரசர் அக்பர் காலம் ஆனாலும் சரி, தென்னகம் தனி ஆட்சி தான் தனி நாடு தான் அவுரங்கசீப் ஆட்சிகாலத்தில் கூட அதிகபட்சம் கர்நாடகா வரையில்தான் அவர்களால் வர முடிந்தது
ஆங்கிலேயர் வந்தபின் தான் தென்னகம், குறிப்பாக தமிழகம் இந்தியா எனப்படுகிற நிலப்பரப்பில் இணைந்த ‘அசம்பாவிதம்’ நடந்தது
ஆக, நமக்கும் அவர்களுக்கும் இடையே மொழியில், கலாச்சாரத்தில், குறிப்பாக ‘நாகரீகத்தில்’, ‘பண்பில்’ வேற்றுமை இருப்பது ஒன்றும் தற்செயலானதல்ல. அது வரலாற்று வேற்றுமை இன வேற்றுமை! மரபணு வேற்றுமை!
மக்களவை என்பது மாநிலங்கள் அனைத்தையும் பிரதிநிதித்துவப்படுத்தும் ஒரு அவை. அங்கே தமிழ் எம்பிக்கள் பதவி ஏற்கும்போது “தமிழ் வாழ்க” என தங்கள் மொழியையும், “பெரியார் வாழ்க” என தங்கள் வழிகாட்டியையும் நினைவுகூர்ந்து பதவி ஏற்கிறார்கள்

தமிழ்நாடு வேறு ஏனைய பாரதம் வேறு

ஆனால் அங்கிருந்த காட்டுமிராண்டிகள் உடனே “ஜெய் ஸ்ரீராம்” என்றும், “பாரத் மாதா கீ ஜே” என்றும் கூச்சல் எழுப்புகிறார்கள் தமிழுக்கும், தமிழர்க்கும், தமிழ்நாட்டுக்கும் எதிரி பாரதமாதா என நாம் சொன்னோமா? இல்லை. அவர்கள்தான் சொல்கிறார்கள்
நேற்று, “தமிழ்நாடு வேறு ஏனைய பாரதம் வேறு,” என உலகுக்கே காட்டிக்கொடுத்திருக்கிறார்கள் இந்த வட இந்தியர்கள்! ஆனால் ‘Anti Indian‘ பட்டமோ நமக்கு!
காலம்காலமாக இந்தியாவின் எதிரி பாகிஸ்தான் என சொல்லி வளர்க்கப்பட்டவர்கள்தான் சராசரி இந்தியர்கள். ஆனால் சயீத் அன்வர் எனும் பாகிஸ்தானிய பேட்ஸ்மேன் சென்னையில் 194 அடித்து உலக சாதனை புரிந்தபோது எழுந்து நின்று கைதட்டிய சென்னை மக்களையும், அவர்களின் பண்பையும் இந்நேரத்தில் நான் நினைவுகூர்கிறேன்
பாகிஸ்தான் மீதே பண்பு பாராட்டிய தமிழகம் எங்கே? சொந்த நாட்டின் ஒரு மாநில மக்களின் மீதும், அவர்களின் எம்பிக்கள் மீதும், மொழியின் மீதும் பகைமை பாராட்டும் வடநாடு எங்கே!
ஆங்கிலேயர்கள் நமக்கு எவ்வளவோ தீமைகளையும், நன்மைகளையும் ஒருசேரச் செய்திருக்கிறார்கள்
நம்மைக் கொள்ளை அடித்த அதேவேளையில் நமக்கு கல்விக் கதவுகளை திறந்துவிட்டவர்கள் அவர்கள்தான்
மனுதர்மம் எனும் அடிமைசாசனத்தைத் தாண்டி சுதந்திர உலகம் என்று ஒன்று உண்டு, அங்கு அறிவியல் என்று ஒன்று உண்டு என நமக்குக் காட்டியவர்கள் அவர்கள்தான்
ஆரிய கலாச்சாரத்தின் ஊடுருவலால் நாசமாகப் போயிருந்த நம்மையும், சமஸ்கிருதம் கலந்திருந்த நம் மொழியையும் நாம் மீட்டெடுக்கத் துவங்கியதெல்லாம் பின்னர் நீதிக்கட்சி, திராவிட இயக்கம் என ஒவ்வொன்றாக நடந்த படிநிலைகள்
இந்தியாவின் ஏனைய தேசிய இனங்களுக்கும் ஆங்கிலேயர்கள் கல்வியைக் காட்டினார்களே தவிர அதை சரியாக அறுவடை செய்ய திராவிட இயக்கம் போன்றதொரு ஆதிக்க எதிர்ப்பு இயக்கம், சுய மரியாதை இயக்கம் அவர்களுக்கு வாய்க்கவில்லை
கம்யூனிசம் கூட இன்று பார்ப்பனர்களின் கூடாரமாக சுருங்கிப்போனதை நாம் பார்க்கிறோம்
இதெல்லாம் ஒருபுறம் இருக்க, ஆங்கிலேயர்களின் நிர்வாக வசதிக்காக ஒரு பெருந்தீமையையும் அவர்கள் நமக்குச் செய்துவிட்டுப் போயிருக்கிறார்கள்! சிங்கங்களின் கூட்டத்தை நாகரீகமற்ற
பண்பற்ற கழுதைப்புலிகளின் கூட்டத்தோடு ஒட்டவைத்து விட்டுப் போய்விட்டார்கள்! எண்ணிக்கையில் அதிகம் என்கிற ஒரே காரணத்தினால் கழுதைப்புலிகள் நம்மை ஆள்வதைவிடவும் ஒரு பேரவலம் என்ன இருக்க முடியும்!
இது தமிழ்நாடு இது வேற! எப்போதுமே இது வேற!
-டான் அசோக்
ஜூன்19, 2019